tomador

sigeha pagid nga panigarilyo. demalason kagid sa ubra mo. hamal sang mantikaon nga baboy samtang gatumar sang baratuhon kag makahulubog nga ilimnon. gapula nga mata. galibot nga kalimutaw. traynta minutos ang nagligad, indi maributay kay mala na ang botilya. ano pa kundi makuot sa gausbong sa baho nga maong-duwa ka semana mo gin-usar sa konstraksyon. nadiskurahi sa lima ka piso nga sinsilyo kaluoy sang nobya m nga my bulawan nga paghigugma. ugaling ang ilimnon ang imo apin sa ini nga tion. bugana ang salig sa hunahuna nga inspirado sang katamaran. sa kataposan naakseptar mo gid man. ngtindog ka kag nagsuroysuroy sa tadlong nga dalan. dugay ang sirena sang my kabalaka nga drayber. wala kagid namati kay wala gali may naglaygay sa imo nga untatan ang nasagamsaman nga kananam sang kalibutan. subong ari ka sa tubang sang tanan.. may gakadlaw, may gahibi..gakaon sang malas-ay nga pansit nga wala gd nakapadumdum sang kalip-ot sang kabuhi nga wala mo ginhalungan. maayo nga paglakat sa imo..